你好，歡迎致電有事電視客戶服務熱線，廣東話按1字，真心話按2字；
「2」
你好，其實我哋唔歡迎你致電有事電視客戶服務熱線，返回主目錄按1字，要收線按9字：
「1」
要查詢賬戶，按1字；要登記成人影院，按2字；要投訴，按9字收線：
「1」
要查詢賬戶，按1字、因為沒有英超所以要終止服務，按2字：
「2」
對唔住，我哋並無提供終止服務嘅服務，要查詢賬戶，按1字；要登記成人影院，按2字；要投訴，按9字收線：
「1」
你嘅賬戶並無問題，無需要查詢。要查詢賬戶，按1字；要登記成人影院，按2字；要投訴，按9字收線：
「2」
請等等，客戶服務專員好快會同你聯絡，我哋會電話錄音，不過唔會確保服務質素。
「你好我係Mable有咩幫到你？」
「幫我問下你哋公司點解呢排咁多人想Cut台Cut唔到嘅？」
「喺剛才嘅電話錄音已經講過，我哋係無提供終止服務呢項服務嘅。」
「咁，無英國波睇都好應該減價吖，無理由食牛扒餐無牛扒照收牛扒餐價錢㗎？」
「減價只係你一廂情願嘅諗法，正如你欣賞我哋嘅成人影院，一樣會一廂情願希望我哋唔打格仔，作為一間有道德嘅公司，我哋唔可以咁做㗎。」
「我要投訴！」
「咁呀，請等等，我要轉駁你返去電話錄音。」
要查詢賬戶，按1字；要投訴，按9字：
「9」
拜拜。嘟∼∼嘟∼∼嘟∼∼嘟∼∼
