電話推銷五花八門，你會如何對付？
電話錄音：「你．好．我．哋．係...」係邊個都好，正常人早已掛線。
酒店會籍：「老闆，Join我 哋 酒店做VIP吖，兩個人食飯，一位免費r㗎，而家仲送你五張現金券添呀！」你唔參加，下個月又會打嚟。
銀行：「你被我哋銀行挑選咗做特選客戶，想同你安排一個時間同你做一次免費嘅個人理財分析。」然後，職員會查找你的理財破綻然後推銷投資或保險產品，當然，如果你自認理財白痴，聽聽他們的意見也絕對不是壞事。
然而，以下這類推銷實在耐人尋味：
「你好呀我哋而家做緊一份問卷調查請問你支唔支持曾特首嘅施政呢？」電話一接通，你就被人這樣無厘頭的一口氣的問一句，你回答，他便連忙說唔該然後再問你四五條私人問題，包括你月入幾多，有無去旅行等。
事隔兩個月，電話再響起：「你好呀，恭喜你中獎呀，多謝你上次同我哋做咗一次民意調查，你只要上嚟我哋公司，就可以免費有兩張郵輪假期嘅船票㗎啦！」我經常懷疑，這類電話的始作俑者就是傳聞中硬銷旅遊套餐的旅遊展覽公司，聽說一上去，沒有人能全身而退。
另一個個案是這樣的：「你好呀請問你有冇聽過持續進修基金呢？而你又想唔想進修呢？只要向政府申請，每個人都可以有一萬蚊㗎！」再講多兩三句之後，「你有冇想學投資呢？嚟緊我哋會舉辦一個投資講座，主講嘅有....」原來係投資公司氹人開戶的推銷電話。
我很無聊，喜歡跟這些電話硬銷員玩一玩，例如反問他們：「做民意調查可以獎勵被訪者嘅咩？我讀新聞系嗰時啲講師唔畀我哋咁做個喎。」或「過咗成兩個月，我而家反對曾蔭權啦，會唔會冇咗個獎呢？」或「申請一萬蚊去聽一個鐘頭講座點解會叫做持續進修呀？」每當聽到電話筒中傳來口窒窒的聲音，其實都幾開心，玩下啫，Life is fun！
