冬菇： 希望喺今屆政府任期內可以完成提出徵收膠袋稅的建議。
膠袋： 點解要針對我？
冬菇： 你唔環保，要收5毫。
膠袋： 咁裝住五花腩個發泡膠兜收幾多呀？張保鮮膠紙呢，又收幾多呀？
冬菇： 點解要收？都冇環保團體嘈。
五花腩： 我個兜係膠，又係超市免費送嘅，仲用完即棄添，不過就係冇人話我，吹咩？
膠袋： 唔公平，每個膠袋下面明明寫住「此乃環保購物袋，可循環再用。」仲有好多人用我嚟做垃圾袋，慳返唔使浪費一個大垃圾袋，我唔環保得過個膠兜？
五花腩：喺超市買舊肉、買條魚、買轆瓜、買半隻油雞、買幾粒魚蛋、買份雜錦刺身拼盤，全部都有個膠兜，全部都有層保鮮膠紙，全部都獨立包裝無得兩樣放埋一齊慳返個兜，拆開唔係血淋淋就油淋淋，無得循環再用。不過就係冇人話我，吹咩？
冬菇： 你唔好咁吋，而家冇人正視呢個問題啫，到有人嘈，政府一定會做嘢！
膠袋： 又要有人嘈先肯郁？先知先覺一啲得唔得？
冬菇： 你都唔好咁吋。收你6毫吖嗱！
