弟：「我想出街玩。」
姊：「咁我哋向下爬啦。」
弟：「我想搵嘢食。」
姊：「咁我哋向下爬啦。」
弟：「我想探婆婆。」
姊：「咁我哋向下爬啦。」
弟：「我想落街搵錢。」
姊：「咁我哋向下爬啦。」
弟：「我想離開屋企。」
姊：「咁我哋向下爬啦。」
弟：「我想出人頭地。」
姊：「咁我哋向下爬啦。」
弟：「家姐，點解只可以向下爬。」
姊：「老豆老母冇教，我淨係識教你向下爬。」
弟：「我想向上爬。」
姊：「我哋係低下階層，咪諗向上爬。」
弟：「我想向上爬。」
姊：「我哋出自問題家庭？點向上爬？」
弟：「我想向上爬。」
姊：「點解一定要向上爬？」
弟：「你睇，下面得死路一條。」
姊：「咁…向上爬啦！爬屎渠都要向上爬…」
弟：「唔爬屎渠得唔得？」
姊：「政府放綜緩金，叫做安全網，最多跌你唔死，幾時會畀條梯我哋向上爬？人窮，要靠自己努力向上爬。」
