甲：邊個夠我驚？
乙：你點驚？
甲：我飲咗奶呀！你話我驚唔驚？
乙：咁你唔夠我驚。
甲：你點驚？
乙：我咗飲茶呀！但係我去飲茶唔記得搵滾水淥下啲杯盤碗碟至用呀！係，茶樓係有洗碗，不過我唔信佢乾淨喎，自己淥多一下好好多，食落肚嘛，你話我驚唔驚？
罐頭笑聲：哈哈哈哈哈！
男：邊個夠我驚？
女：你點驚？
男 ：我買咗嗰個兄弟嘅迷你債劵！你話我驚唔驚？
女 ：咁你唔夠我驚。
男 ：你點驚？
女 ：我哋個個姊妹大熱天時都著住條迷你排球褲，學校又唔係打風又唔使爬高爬低又冇話要喺男同學面前戙高隻腳而條校裙亦都唔係短，不過就唔知點解係都要著多條褲仔至安樂， 你話我哋驚唔驚 ？
罐頭笑聲：哈哈哈哈哈！
茂：邊個夠我驚？
丙：你點驚？
茂：我喺東亞有戶口呀！你話我驚唔驚？
丙：咁你就驚？
茂：你唔驚？
丙：驚咩呀驚！我哋香港人乜都驚，擺明係羊群心態但係又以為自己唔執輸好精！政府出晒聲又話有十萬蚊存款保證又唔聽，邊個講嘢都人微言輕，你你我我平時習慣多做多錯少做少錯於是索性唔做唔錯以為唔使驚，人人都冇信心冇勇氣然後寄望荷媽喺大廳！咁啦，嚟壯下個膽，你驚我都驚，飲杯竹葉青！
罐頭笑聲：……
